طاجين بطاط

المقادير
8حبات بطاطا
حبتان اكبارو صغيرة طماطم
فلفل اخضر
بصل
ربطة معدنوس
لحم مقطع قطع صغيرة
ملعقة صغيرة ملح
ملعقة كبيرة كركم ((بزار))
نص ملعقة صغيرة فلفل أحمر
ملعقة صغيرة قرفة
9 بيضات
ملعقة كبيرة بيكن باودر
9ملاعق كبار دقيق
لزينة نعناع جاف
الطريقة
انقطع الطماطم والفلفل والمعدنوس قطع صغيرة
نقشر البطاطا وانقصها اصابع متوسطة ونقلها في زيت بدون أضافة الملح
ناخد قطع اللحم مع البصل مقطع صغير في طاوة وانضيفله شويا((فلفل اسود +ملح+قرفة)) لين ايطيب اللحم والبصل يدبل نطفي عليه نار
انحرك البطاطا المقليا والطماطم والفلفل الأخضر والمعدنوس وانزيد فوقه اللحم مع البصل الطايب انخلطهم كويس انضيفلهم ((ملعقة صغيرة ملح+نص ملعقة فلفل أحمر+ملعقة كبيرة كركم +ملعقة قرفة و تسع بيضات ))
وبعد مانخلطهم انضيف الدقيق والبيكن باودر وانخلطهم كويس
ناخد طاجين الفرن ندهنها بالزيت ونرشها بالدقيق
انصب الخليط وبعدها انرشها من فوق بي النعناع الجاف وللفرن
وصحتين وعافية منقول لعيونكم طبعا مافيش صورة حطيت هدي باش تستمتعوا وانتم تقروا في الوصفة

أترك تعليق